Episodi i parë i podcastit “Shëndeti në rend të parë”, i është kushtuar ndërgjegjësimit për kancerin e gjirit dhe rëndësisë së kontrolleve sistematike shëndetësore, ndërsa e ftuara në emision, Arnisa Osmani e shëruar nga kanceri i gjirit ka rrëfyer përballjen me sëmundjen.
Osmani ka përçuar mesazh të fuqishëm që të gjejmë kohë për kontrolle shëndetësore, gjersa ka bërë apel që ta largojmë stresin e gjërat toksike nga jeta.
“Edhe pse njeri i kalon disa sfida, pa marr parasysh çfarë … se çdo njeri i ka peripecitë e jetës, gajlet e jetës… tash e kuptojë shumë më shumë rëndësinë e jetës. Ndoshta ka qenë… atë Zoti ma ka dërgu që me thënë ndalu Arnisa, hapi sytë e shiqo përpara..
Unë gjithmonë kam qenë e kënaqur me gjëra të vogla, por te unë asnjëherë s’ka pas jo… kur më kanë dikush diçka unë gjithmonë kom thënë kryhet. Nuk kam ditë me thanë jo.
Nëse nuk dinë t’i thuash dikujt jo, nëse ti e lejon që dikush të shkel, nëse ti nuk e don veten, atëherë çka mbetet prej teje..
D.m.th krejt këto i largon, i largon toksinat prej jetës tënde dhe duaje veten…”, shprehet Osmani. /Telegrafi/
