‘Perandori është kthyer’ – Adriano ishte mysafir special në Derby Della Madonnina

Legjenda braziliane e Interit, Adriano, ka qenë i pranishëm në Giuseppe Meazza për ta ndjekur Derby Della Madonnina kundër Milanit.

Nerazzurrët fituan ndaj rivalit lokal me rezultat 3-0 për të siguruar kualifikimin në finalen e 11 majit në Stadio Olimpico të Romës.

Dhe për këtë ndeshje, në tribuna ndodhej një mysafir special – ‘Perandori’, i cili ka qenë pjesë e klubit në dy raste (2001-2002 dhe 2004-2009).

Gjatë kësaj periudhe, ai e ka fituar katër herë titullin e Serie A, dy Kupa të Italisë dhe tri Superkupa të Italisë.

Lexo po ashtu Interi nënshtron Milanin dhe kualifikohet në finale të Kupës së Italisë

“Ai është kthyer. Mirë se vjen në shtëpi ‘Perandor’”, është përshkrimi i fotografive të publikuar në rrjetet sociale të Interit.

“Gjithçka që la gjurmë në jetën time dhe kujtimet më të mira të karrierës sime janë të lidhura me Interin: ndeshjet, golat, emocionet”.

“Por, ajo që mbaj me vete edhe sot është se përfshihem nga emocionet kur i dëgjoj duke brohoritur për mua. Tifozët e Interit më kanë bërë gjithmonë të ndihem i veçantë”, kishte shkruar Adriano para ndeshjes. /Telegrafi/