Ish-kampioni i botës në kategorinë e peshave të rënda në boks, David Haye, është pensionuar për të dytën herë gjatë karrierës së tij.
37-vjeçari ka lëshuar një komunikatë të gjatë për ta shpjeguar vendimin e tij.
Britaniku u kthye nga pensionimi në vitin 2016 në përpjekje për t’u bërë sërish kampion bote. Mirëpo, pas dy fitoreve me nokaut, ai u tregua i pafuqishëm përballë Tony Bellew.
Boksieri kishte pësuar një lëndim serioz në tetivën e Akilit në meçin e parë, ndërsa gjatë rimeçit në maj të këtij viti nuk ishte aspak në gjendje që t’i bënte ballë kundërshtarit të tij.
“Natyrisht se egoja ime do të dëshironte që të pensionohesha pas një fitoreje ose si një kampion. Mirëpo, thellë-thellë e di se përpjekja ime më 5 maj 2018 ishte më e mira që mund të jepja”.
“Po ashtu, e di se përpjekja ime e dështuar tregoi të vërtetën për aftësitë e mia aktuale në një arenë të klasit botëror”, është shprehur mes tjerash boksieri.
Haye u bë kampion i WBA-së në vitin 2009 kur e mposhti Nikolai Valuevin dhe asokohe u përball me Wladimir Klitschkon. Edhe pse nuk kishte qëndrueshmëri, ai tërhiqte vëmendje të madhe.
Boksieri 37-vjeçar pensionohet pas 32 ndeshjeve, 28 fitoreve (26 me nokaut) dhe vetëm katër humbjeve. /Telegrafi/