Pele një herë u pyet se kush ishte më i mirë mes Lionel Messit dhe Cristiano Ronaldos.
Argjentinasi dhe portugezi kanë dominuar dy dekadat e fundit të futbollit, me dyshen që së bashku kanë fituar 13 Topa të Artë.
Ata janë padyshim dy lojtarët më të mëdhenj të brezit të tyre, ndërkohë që e kanë ngulitur veten mes lojtarëve më të mirë të futbollit në histori.
Megjithatë, ka pasur shumë debate se kush nga dyshja është lojtari superior.
Kur të ndjerit Pele iu kërkua të zgjidhte atë që ai preferonte mes Messit dhe Ronaldos, tri herë fituesi i Kupës së Botës fillimisht insistoi që lojtarët si Johan Cruyff, Diego Maradona dhe Zico duhet të njiheshin në mënyrë të ngjashme.
Pele i tha SporTV në vitin 2018: “Është e trishtueshme që keni vetëm dy lojtarë në botë për të zgjedhur, Johan Cruyff, Diego Maradona, Pele, Zico, Junior”.
“Në gjithë botën tani ka vetëm dy lojtarë. Dhe Neymar, apo jo? Braziliani ynë po arrin atje”.
Megjithatë, kur u shty për një preferencë, Pele tha: “Unë do të qëndroja ende me Messin. Të shënosh është i rëndësishëm, pa dyshim, por nëse nuk ke dikë që të përgatitet, atëherë topi nuk mjafton”.
“Për ekipin tim, unë preferoj Messin. Sa i përket Cristiano Ronaldos, ai është një golashënues i shkëlqyer. Ronaldo ka qenë në gjendje të shënojë gola, ndërsa ju e shihni Messin duke krijuar gola dhe duke drejtuar lojën, si dhe duke shënuar”.
“Ronaldo është një golashënues i shkëlqyer, por për sa i përket lojtarit të plotë, nuk ka dyshim se Messi është më i miri”, kishte shtuar më tej Pele.
Ndërkohë, Pele gjithashtu mund të pretendojë si lojtari më i mirë i të gjitha kohërave. Braziliani u emërua atleti i shekullit nga Komiteti Olimpik Ndërkombëtar në 1999 dhe u përfshi në listën Time të 100 njerëzve më të rëndësishëm të shekullit të 20-të.
Për më tepër, në vitin 2000, Pele u votua Lojtari i Shekullit Botëror nga Federata Ndërkombëtare e Historisë dhe Statistikave të Futbollit dhe ishte një nga dy fituesit e përbashkët të FIFA Lojtari i Shekullit, së bashku me Maradonën. /Telegrafi/