Në Qendrën e Numërimit dhe Rezultateve janë numëruar sot votat që kanë ardhur nga jashtë Kosovës për zgjedhjet lokale të 17 tetorit.
Kandidati i LDK-së për kryetar të Pejës Gazmend Muhaxheri ka marrë më së shumti vota nga mërgata në zgjedhjet e 17 tetorit, sipas të dhënave të KQZ-së.
Gazmend Muhaxheri nga LDK ka marrë 231 vota
Gazmend Agusholli nga Lëvizja Vetëvendosje ka marrë 71
Rrustem Berisha nga AAK – 55
Kandidatët e tjerë në garë nuk kanë marrë asnjë votë.
Ndryshe, Gazmend Muhaxheri ka fituar zgjedhjet për kryetar të komunës qysh në raundin e parë me 60.41 për qind.
