Njësiti i hetimeve pranё Stacionit Policor nё Pejё, ka njoftuar se ka arrestuar një person të dyshuar për veprat penale “vjedhje e rëndë”, dhe “vjedhje”.
Policia bën të ditur se personi i dyshuar është arrestuar gjatë ditës së sotme, transmeton Telegrafi.
“Njësiti i hetimeve pranё Stacionit Policor nё Pejё, sot me datё 20.08.2020, ka arrestuar personin e dyshuar: E.H. i lindur me 2000, nё Pejё. I njëjti ёshtё i dyshuar pёr disa raste tё veprave penale ‘Vjedhje e rёndë dhe ‘Vjedhje’ tё cilat janё kryer ne zonën e pergjegjёsisё tё Stacionit Policor nё Pejë”, thuhet në njoftim.
Policia bën të ditur se veprat penale janё kryer në disa lokacione si në; Shkolla nё qytet dhe fshatra, nё spitalin rajonal nё Pejё, qendra tregtare, markete etj.
Tutje në njoftim thuhet se hetuesit pranë Stacionit Policor në Pejё, pas njё pune intensive operativo-hetimore ka arritur tё identifikojnё dhe arrestoj tё dyshuarin e këtij rasti.
Me urdhёr tё Prokurorit tё shtetit, i dyshuari pas intervistimit ndalohet pёr 48- orё. /Telegrafi/