Peja e ka mundur Ponte Prizrenin me rezultat 97:86 (19:13, 33:21, 25:24, 20:28) në ndeshjen e parë çerekfinale në Oso Termosistem Final 8.
Peja e nisi më mirë ndeshjen dhe arriti që të fitojë çerekun e parë me rezultat 19:13. Pejanët ishin më të mirë edhe në periudhën e dytë, duke e fituar 33:21, për të shkuar në pushim me rezultat 52:34. Lojë e barabartë u zhvillua në periodën e tretë (25:24), ku të dy skuadrat ishin të barabarta në fushë. Pejanët ruajtën epërsinë e krijuar, derisa Ponte nuk arrinte të shkrinte epërsinë e Verdhezinjëve.
Epërsia më e madhe e Pejës ishte 22 pikë, 69:47.
Drama ndodhi në periodën e fundit. Prizreni rikthehet fuqishëm dhe arrin të afrojë rezultatin në 87:83. Në fund Peja ishte më e vëmendshme dhe triumfoi me rezultat 97:86.
Te Peja u dalluan Henrik Sirko me 26 pikë e 18 kërcime dhe Nigel Johnson me 26 pikë, kurse te Ponte Prizreni më të mirët në parket ishin Andre Ëolford me 19 pikë e 11 kërcime dhe Urim Zenelaj me 14 pikë e 11 kërcime.
Peja në gjysmëfinale ndeshet me fituesin e ndeshjes Rahoveci-Trepça.