Pedri i uron ‘mirëseardhje’ Tchouamenin në El Clasico me një driblim mjeshtëror mes këmbëve, momenti bëhet viral

Mesfushori i Barcelonës, Pedri është përkujdesur t’i dhurojë një mirëseardhje jo fortë të këndshme transferimit të ri të Real Madridit, Aurelien Tchouameni.

Gjigantët spanjollë u përballën në Las Vegas në orët e para të mëngjesit të së dielës dhe ishte Barcelona ajo që doli fituese me rezultat 1-0.

Fitorja e klubit Blaugrana erdhi falë një supergol të Raphinhas nga distanca në minutën e 27-të.

Lexo po ashtu Nuk munguan tensionet në El Clasico, të gjithë lojtarët u përfshinë në përleshje

Në këtë ndeshje pati edhe shumë debutime në El Clasico, por për disa ishte ‘debutim i hidhur’.

I tillë ishte mesfushori i ri francez, Tchouameni, i cili erdhi këtë verë nga Monaco për një shifër rreth 100 milionë euro së bashku me bonuse.

Tchouameni luajti titullar në mesfushë, por në një moment pati një turpërim nga kundërshtari i tij Pedri.

Lexo po ashtu Araujo e mposhti Rudigerin në të gjitha mënyrat në El Clasico, nga dueli i shpejtësisë tek ai i forcës

Pedri u përkujdes t’ia dhuroj një mirëseardhje jo fortë të këndshme, pasi e dribloi mjeshtërisht duke ia futur topin mes këmbëve.

Momenti i driblimit është bërë viral tashmë në rrjetet sociale. /Telegrafi/