Cloe Fields dhe i dashuri i saj Christian Zelada mbijetuan, pavarësisht që vetura e tyre doli nga rruga në Kaliforni dhe ra nga 90 metra lartësi.
Çifti ishte në një shëtitje me veturë në afërsi të shtëpisë së tyre në Glendale, kur Zelada u ndal për t’i lëshuar rrugën një veture tjetër, transmeton Telegrafi.
Brenda pak sekondash, Hyundai Elantra e tyre u fut në një rrugë me zhavorr dhe u rrokullis nga një shkëmb përgjatë autostradës pyjore Angeles.
“Gjithçka që mund të shihnim ishin pemët, papastërti dhe tym. Jemi përplasur nëpër pemë. Pastaj ndjemë një rrotullim dhe ishim me kokë poshtë”, tha Fields për revistën People.
Vetura e tyre u rrokullis dhe mbeti me rrota lartë, pasi ra nga gati 90 metra. Është interesant se shpëtuan me vetëm disa gërvishtje.
Deputies, Fire Notified of Vehicle Over the Side Via iPhone Emergency Satellite Service
This afternoon at approximately 1:55 PM, @CVLASD received a call from the Apple emergency satellite service. The informant and another victim had been involved in a single vehicle accident pic.twitter.com/tFWGMU5h3V
— Montrose Search & Rescue Team (Ca.) (@MontroseSAR) December 14, 2022
“Fillimisht thash me vete ku e kam telefonin”, tha Fields.
E pikërisht telefoni i saj përdor teknologjinë e re për raportim të menjëhershëm të aksidentit, dhe kërkon ndihmë përmes valëve satelitore të Apple, që alarmoi autoritetet duke arritur t’i lokalizojnë.
Brenda 30 minutave, ekipet e shpëtimit u shfaqën në vendin e ngjarjes, ku i shpëtuan dhe u dërguan me urgjencë në spitalin e Los Angeles.
Helikopteri për operacione të kërkim shpëtimit i tërhoqi me litar, kurse në spital u konstatua se përpos disa gërvishtje, nuk janë lënduar rëndë. /Telegrafi/