Severodonetsk në lindje të Ukrainës që ishte pikë e nxehtë e luftimeve të ashpra javëve të fundit, akoma nuk është bllokuar plotësisht nga trupat ruse, pavarësisht se kontrollojnë 80 për qind të territorit të qytetit.
Guvernatori rajonal i Luhanskut, Serhiy Haidai, tha se forcat ruse kanë shkatërruar tri urat që lidhin me qytetet tjera, duke u pamundësuar kështu hapja e korridoreve humanitare për civilët, transmeton Telegrafi.
Ai shtoi se mbi 500 civilë janë strehuar në fabrikën e kimikaleve Azot, që gjithashtu ishte cak i sulmeve ajrore të ushtrisë ruse.
Rreth 12 mijë persona vazhdojnë të jenë në qytet, që para se të shpërthente lufta kishte mbi 100 mijë banorë. /Telegrafi/