Pau Lopez drejt transferimit në Angli, tri skuadra e duan portierin e Romës
Pau Lopez është bërë portieri më i shtrenjtë në histori të Romës kur iu bashkua gjigantit italian vitin e kaluar.
Gjiganti italian shpenzoi 23,5 milionë euro për transferimin e spanjollit nga Real Betis.
Por pas një viti qëndrim te Roma, Lopez mund të largohet në drejtim të kampionatit anglez Ligës Premier.
Kanë qenë mediat angleze që kanë raportuar se tri skuadrat londineze, Chelsea, Tottenham Hotspur dhe West Ham United kanë shprehur interesim për transferimin e Pau Lopez.
Roma nga ana tjetër është gati ta shes yllin e tyre, pasi duan të reduktojnë shpenzimet për edicionin e ri.
Mirëpo Giallorosët për ta lënë të lirë spanjollin po kërkojnë rreth 35 milionë euro.
25-vjeçari edhe më parë ka qenë pjesë e futbollit anglez, ku kaloi një vit i huazuar te Tottenham Hotspur si huazim nga Espanyol. /Telegrafi/