Telegrafi

Pasojat e sulmeve ruse, pamjet nga droni tregojnë shkallën e shkatërrimit të qytetit Bakhmut

Gazetari ukrainas Yuri Butusov ka publikuar një video të filmuar nga ajri me dron, ku shfaqen pasojat e sulmeve ruse dhe luftimeve të ashpra në qytetin e Bakhmutit.

Pamjet shfaqin ndërtesat kolektive dhe shtëpitë private që janë shkatërruar nga sulmet raketore të rusëve, transmeton Telegrafi.

Bakhmuti është bërë një lloj pike e “nxehtë”, ku rusët dhe ukrainasit vazhdimisht po luftojnë dhe si pasojë e kësaj edhe vet qyteti është shndërruar në një “qytet fantazmë”.

“Rusët vazhdimisht po sulmojnë. Armiku po shkatërron infrastrukturën civile me artileri dhe mortaja – duke tentuar të fillojë betejën edhe nëpër rrugë”, tha autori i videos së publikuar më poshtë.

Kujtojmë që Butusov që nga fillimi i luftës në Ukrainë, ka raportuar nga vijat e para të frontit, nga ku ka dhënë informacionet më të fundit mbi humbjet e armikut si në njerëz ashtu dhe në makineri luftarake. /Telegrafi/