Qyteti Borodyank ka pësuar dëme shumë të mëdha, që kur Rusia filloi pushtimin e Ukrainës.
Ky qytet që gjendet rreth 60 kilometra (40 milje) në veriperëndim të Kievit, besohet se “fsheh” qindra trupa të pajetë që kanë ngecur nën rrënojat e ndërtesave të bombarduara nga ushtria ruse, transmeton Telegrafi.
Gjatë sulmeve ajrore, ushtria e Putinit për asnjë moment nuk ka kursyer civilët – duke bombarduar blloqet e ndërtesave kolektive.
Ekipi i BBC-së ka arritur të futet në këtë qytet dhe të dëshmojë pasojat e luftës së përgjakshme, që po zhvillohet prej më shumë se 40 ditë. /Telegrafi/
