Presidenti ukrainas Volodymyr Zelensky ka vizituar trupat që po kryejnë një kundërofensivë drejt qytetit lindor të Bakhmutit të goditur nga lufta, tha Kievi të martën.
“Si pjesë e një udhëtimi pune në rajonin e Donetskut, presidenti i Ukrainës, Volodymyr Zelensky vizitoi brigadat luftarake që kryejnë operacione sulmuese në rajonin e Bakhmutit”, tha presidenca, përcjell Telegrafi.
Siç thuhet më tej, Zelensky kishte “dëgjuar raportet mbi situatën operacionale” në frontin lindor.
Bakhmut, një qytet industrial që dikur ishte shtëpia e rreth 70,000 njerëzve, u pushtua nga forcat ruse këtë verë pas muajsh luftimesh brutale.
O Pres. Zelensky visitou algumas brigadas ucranianas no oblast de Donetsk. O setor norte daquela frente está responsável pelo avanço ucraniano à volta de Bakhmut. A estratégia ali parece ser o cerco da cidade e não propriamente um novo combate nas ruínas. pic.twitter.com/Rvk2eAUBB0
— Hoje no Mundo Militar (@hoje_no) September 5, 2023
por trupat ukrainase kanë kryer një sulm të rëndë rreth “krahëve të qytetit”, tashmë të kthyer në gërmadha.
Zelenskyy u takua me komandantët e trupave në atë zonë dhe diskutoi “problemet dhe nevojat e njësive”, duke përfshirë “sigurimin e predhave të artilerisë, raketave për sistemet e mbrojtjes ajrore të vijës së parë”.
Të hënën, Zelensky tha se kishte vizituar rajonin e Donetsk, ku ndodhet Bakhmut, duke postuar një video të tij në rrjetet sociale duke takuar komandantët dhe ushtarët në një vend të paidentifikuar.
Vizitat erdhën pas shkarkimit të ministrit të Mbrojtjes të Ukrainës, dhe pasi Kievi javën e kaluar pretendoi disa suksese taktike. /Telegrafi/