Siç është raportuar, kryeministri hungarez, Viktor Orban do të takohet në Moskë, Rusi, me presidentin rus, Vladimir Putin.
Orban do të shoqërohet nga Ministri i Jashtëm i Hungarisë, Peter Szijjarto.
Bëhet e ditur se vizita e raportuar vjen disa ditë pasi Orban i kërkoi presidentit ukrainas, Volodymyr Zelensky, të konsideronte një armëpushim për të përshpejtuar përfundimin e luftës me Rusinë.
I menjëhershëm ka qenë reagimi i ish-kryeministres estoneze dhe tashmë Përfaqësueses së Lartë të BE-së për Politikë të Jashtme dhe Siguri, Kaja Kallas, përcjell Telegrafi.
Kallas ka theksuar se vizita e Orban nuk e përfaqëson BE-në.
In Moscow, Viktor Orbán in no way represents the EU or the EU’s positions. He is exploiting the EU presidency position to sow confusion.
The EU is united, clearly behind Ukraine and against Russian aggression.
— Kaja Kallas (@kajakallas) July 5, 2024
“Në Moskë, Viktor Orban në asnjë mënyrë nuk përfaqëson BE-në apo qëndrimet e BE-së”, shkroi pasardhësja e Josep Borrellit në rrjete sociale.
“Ai po shfrytëzon presidencën e BE-së për të ngjallur konfuzion”, shtoi Kallas.
“BE-ja është e bashkuar, qartë krah Ukrainës dhe kundër agresionit rus”. /Telegrafi/