Pasagjerët dhe punonjësit e stacionit të trenave në Kiev mbajnë një minutë heshtje – nderojnë ushtarët ukrainas që humbën jetën

Pasagjerët dhe punonjësit e stacionit të trenave në Kiev, kanë ndalur “punën” për një minutë heshtje, për të nderuar ushtarët e rënë gjatë luftimeve me trupat ruse.

Pamjet e këtij momenti janë filmuar me kamerë amatore, ku shihen pasagjerët dhe punonjësit e stacionit duke mbajtur një minutë heshtje në Kiev – për të respektuar të rënët në luftën që e filloi presidenti rus Vladimir Putin.

Lexo po ashtu Agjencitë amerikane të inteligjencës thonë se mbi 7 mijë ushtarë rusë janë vrarë në Ukrainë

Një veprim i tillë vjen pasi presidenti ukrainas Volodymyr Zelensky, tha në fillimi të kësaj jave se 1.300 ushtarë kanë humbur jetën gjatë luftimeve me trupat ruse.

E ushtria ruse ka vazhduar sulmet, në veçanti ato ajrore mbi zonat e banuara – duke mos kursyer madje edhe teatrin e Mariupolit, brenda të cilit strehoheshin gra e fëmijëve. /Telegrafi/