Aktorit të popullarizuar, Johnny Depp, i është dhënë drita jeshile për të ngritur akuza për shpifje kundër ish-gruas së tij, Amber Heard, pavarësisht një vendimi të gjykatës në Mbretërinë e Bashkuar se ai ishte një ‘dhunues’.
Ylli 58-vjeçar i “Pirates of the Caribbean” dukej pa fat dhjetorin e kaluar pasi humbi një padi për shpifje kundër The Sun, e cila në 2018 akuzoi artistin për sulm fizik ndaj Heard, raportoi Times.
Pas gjykimit shumëjavor, u vendos që pretendimet e publikimit në Mbretërinë e Bashkuar ishin ‘thelbësisht të vërteta’, pasi shqyrtoi me kujdes 14 incidente të brendshme që raportohet se kanë ndodhur gjatë martesës së trazuar 15-mujore të çiftit.
Aktorja e “Justice League”, 35 vjeçe, më pas u përpoq të përdorte humbjen ligjore të Depp për të zhvlerësuar një rast tjetër shpifjeje nga ana e tij në lidhje me një artikull të publikuar në Washington Post 2018, në të cilin ajo pretendonte se ishte viktimë e abuzimit, por nuk e përmendi ish-in e saj.
Ylli i “Aquaman” thotë se gjykata e Virxhinias duhet të njohë vendimin e Mbretërisë së Bashkuar pasi të dy rastet përfshinin dhunë në familje, sipas një raporti nga Hollywood Reporter.
Sidoqoftë, të martën, gjyqtari kryesor i Qarkut Fairfax, Penney Azcarate mohoi pretendimet e Amber, duke cituar faktin se interesat e saj nuk ishin në përputhje me ato të The Sun.
Sa i përket faktit nëse vendimi i Mbretërisë së Bashkuar duhet të parandalojë Johnny nga ngritja e akuzave për shpifje, Azcarate përcaktoi se Heard nuk ishte e pranishme në gjyqin përtej pellgut dhe për këtë arsye të njëjtat rregulla nuk zbatohen, raportoi THR.
Vendimi vjen pas një fitoreje tjetër ligjore të yllit në fillim të këtij muaji në New York, e cila do të detyrojë disa organizata bamirëse të zbulojnë nëse do t’i dhurohet marrëveshja e divorcit prej 7 milionë dollarësh. /Telegrafi/