Juventus dhe Real Madrid mund të bëjnë përsëri biznes.
Pas marrëveshjes me Cristiano Ronaldon, skuadra italiane dhe ajo spanjolle po mendojnë që t’i bëjnë disa lëvizje të ndërsjella.
Të dyja skuadrat kishin një sezon zhgënjyes, andaj po planifikojnë që në verë t’i bëjnë disa transferime.
Sipas Calciomercato, të dyja skuadrat mund të bëjnë lëvizje të ndërsjella, gjersa janë edhe disa lojtarë që kërkohen nga Real Madrid dhe Juventus.
Miralem Pjanic është duke u kërkuar nga madrilenët, gjersa James Rodriguez është bërë cak i torinezëve.
Toni Kroos po kërkohet nga Juventus, gjersa Paul Pogba dhe Christian Eriksen, janë në radarin e të dy skuadrave.
Isco Alarcon është dëshira e madhe e ‘Zonjës së Vjetër’, por që Real Madrid po refuzon ta shet atë. /Telegrafi/