Tobias Schneider, hulumtues në Institutin për Politika Publike, ka thënë se Rusia ka pësuar humbje të mëdha në qytetin ukrainas Trostyanets.
Një qytet në aspektin strategjik shumë i rëndësishëm në lindje të rajonit Sumy, është një prej qyteteve të shumta që këto dy ditët e fundit janë rikthyer nën kontrollin e forcave ukrainase, transmeton Telegrafi.
Madje sipas agjencive të inteligjencës, shumica e pajisjeve ushtarake të Rusisë ishin braktisur nga ushtarët, kur e kuptuan se janë rrethuar në të gjitha anët nga ushtria ukrainase.
Madje pas rimarrjes nën kontroll, ushtria ukrainase është pritur nga banorët e atjeshëm si heronj të vërtetë.
Pamjet e publikuara më poshtë që janë filmuar nga ajri me dron, shfaqin pasojat e operacionit ushtarak të forcave ukrainase, ku shihen tanket, autoblindat dhe mjetet tjera ushtarake ruse të shkatërruara plotësisht. /Telegrafi/
