Lufta është një prej gjërave më të tmerrshme që mund t’i përjetojë njeriu, ku ka shumë vrasje, plagosje, shkatërrime pronash e mungesë të energjisë elektrike, ushqimit e ujit të pijshëm.
Për t’u çliruar një vend nga pushtuesi ka këtë kosto, megjithatë në një moment sakrifice ka edhe momente gëzimi, transmeton Telegrafi.
Këtë gjë më së miri e dëshmon videoja e një mbrojtësi ukrainas, i cili pas gjashtë muajve luftime të ashpra kundër rusëve, gjeti pak kohë që të vizitojë familjen e tij.
Ai shkoi për një vizitë paparalajmëruar në shtëpi, ku para derës së shtëpisë i biri i tij po luante në një motoçikletë të parkuar.
Në momentin që pa se po i afrohej një veturë civile dhe nga ajo doli babai i tij që shërben në ushtrinë ukrainase, vrapoi me tërë forcën dhe iu hodh në përqafim.
Ky moment emocionoi tej mase ushtarin ukrainas, i cili mezi arrinte të fshihte lotët e gëzimit që pas gjashtë muajve po arrin ta shoh sërish të birin e tij. /Telegrafi/
🥺 For the first time in a long six months, the Ukrainian defender was able to hug his children.
Glory to the Defenders of Ukraine, may each of you return home💙💛
Video: 128th Separate Mountain Assault Transcarpathian Brigade. pic.twitter.com/34Tnoq6hYy
— NEXTA (@nexta_tv) September 18, 2022