Gruaja e Mauro Icardit, Wanda Nara, ka reaguar ndaj komenteve të Diego Maradonas, i cili e ngacmoi atë dhe bashkëshortin e saj rreth ftesës nga përfaqësuesja e Argjentinës.
Legjenda argjentinase e Napoli të premten ndodhej në Rusi për shortin e Kampionatit Botëror të vitit të ardhshëm, ndërsa u tha gazetarëve se kombëtarja e tij nuk ka luajtur asnjëherë kaq keq sa po luan tash.
Ai njëherësh deklaroi se përzgjedhësi Jorge Sampaoli e ka ftuar sulmuesin e Interit vetëm për shkak të gruas së tij (e cila është njëherësh edhe agjente e lojtarit), pasi ajo e ka bezdisur me telefonata.
Wanda ka reaguar ndaj fjalëve të Maradonas duke bërë një postim në Twitter.
Innecesario, errado y falaz. Lamento esta versión de Diego a quien admiro con la ⚽️ siempre pero quien pifia, por lejos, en muchos otros temas. Lamento que su odio y obsesión lo hagan equivocarse en modo, tiempo y forma. No tiene diálogo ni con #Sampaoli ni con @wandaicardi pic.twitter.com/cPNehjWyYj
— Débora sin H ®? (@deboradamato) December 2, 2017
“Do të rekomandoja një test anti-doping për evenimentet e tilla të rëndësishme (si tërheqja e shortit), sepse gjithmonë ka njerëz me mendje të mjegulluar dhe ata përpiqen t’i rrënojnë gjërat me shpifje”.
“Është thjesht një fiksim të cilin ai e ka me ne”, ka thënë gruaja e Icardit.
Në të kaluarën, Maradona kishte deklaruar se po të kishte qenë në kohën e tij, Icardin do ta kishin rrahur në zhveshtore për martesën me ish-gruan e bashkëlojtarit, në këtë rast Maxi Lopezit.
Kujtojmë që Icardi dhe Maxi ishin shokë dhe Wanda ishte e martuar me Lopezin në kohën kur sulmuesi i Interit e nisi lidhjen me të. /Telegrafi/