Parlamenti i Ukrainës ka anuluar seancën e tij, thonë ligjvënësit, duke përmendur rrezikun e një sulmi raketor rus në kryeqytet pasi Kremlini tha se një sulm me raketa hipersonike në Dnipro ishte një paralajmërim për Perëndimin.
“Mbyllja” e parlamentit të premten pasoi një vendim të disa ambasadave të huaja për të mbyllur përkohësisht operacionet për kërcënimin e një sulmi në Kiev, shkruajnë mediat e huaja, përcjell Telegrafi.
“Ka pasur gjithashtu një rekomandim për të kufizuar punën e të gjitha zyrave tregtare dhe OJQ-ve që mbeten në atë perimetër dhe banorët vendas u paralajmëruan për kërcënimin në rritje”, ka thënë deputetja Mykyta Poturaiev.
Një tjetër anëtar i parlamentit, Oleksiy Goncharenko, e përshkroi vendimin si “qesharak”, duke thënë se ai vetëm “krijoi edhe më shumë panik” në Kiev dhe “po i bën favor” presidentit rus Vladimir Putin.
Zëdhënësi i presidentit ukrainas Volodymyr Zelensky u tha gazetarëve se zyra presidenciale po punonte si zakonisht.
Kievi ka qenë rregullisht në shënjestër të raketave dhe dronëve rusë që nga fillimi i agresionit të plotë të Ukrainës nga Rusia në shkurt të vitit 2022.
Të enjten, Putin tha se forcat ruse lansuan një raketë të re balistike me rreze të mesme veprimi në Ukrainë, në përgjigje të përdorimit të raketave të prodhuara këtë javë nga Kievi në Shtetet e Bashkuara dhe Mbretërinë e Bashkuar në sulmet ndaj objektivave në Rusi. /Telegrafi/