Një rikthim i mundshëm në Barcelonë për Lionel Messin këtë verë ka rritur ritmin javët e fundit, me idenë që më parë ishte anuluar për shkak të situatës së pasigurt financiare të klubit.
Kontrata e Messit me Paris Saint-Germain skadon në fund të sezonit dhe një rinovim duket gjithnjë e më i pamundur, megjithëse zyrtarët e kampionit francezë nuk kanë hequr dorë nga mbajtja e 36-vjeçarit.
Sipas gazetës Sport, PSG po planifikon bisedime me Messin në të ardhmen e afërt, pasi shpreson ta bindë që të qëndrojë në klub edhe për të paktën një vit.
Në fillim të sezonit janë bërë përpjekje për të siguruar rinovimin e Messit, por deri më tani ato kanë qenë të pafrytshme.
PSG do të inkurajohet nga fakti se Barcelona ende nuk ka paraqitur një propozim zyrtar për Messin, megjithëse raportet sugjerojnë se argjentinasi dëshiron të kthehet në Kataluni në verë.
Messi thuhet se dëshiron garanci nga Joan Laporta përpara rikthimit të mundshëm në Barcelonë dhe nëse ai i merr ato, kthimi i tij në shtëpi mund të jetë gjithnjë e më afër. /Telegrafi/