Ruben Neves e pranon hapur se paratë luajtën një rol në vendimin e tij për të lënë futbollin anglez dhe Wolvesin dhe për t’u bashkuar me Al-Hilal në Arabinë Saudite.
Shumë yje i thanë lamtumirë Evropës në vitin 2023, me Cristiano Ronaldon që e filloi këtë trend në fillim të vitit kalendarik pas largimit të tij nga Manchester United, ai kaloi te Al-Nassr.
Të tillë si Karim Benzema, Sadio Mane, Roberto Firmino, Neymar, Riyad Mahrez dhe Aymeric Laporte i janë bashkuar pesë herë Topit të Artë në Lindjen e Mesme , me Neves që zgjodhi të ecë në një rrugë të ngjashme me bashkatdhetarin e tij të shquar.
Neves foli për BBC Sport kur u pyet pse, në moshën 26-vjeçare, ai vendosi të largohej nga futbolli evropian.
“Sigurisht që një nga gjërat janë paratë. Sigurisht, ju nuk mund ta fshehni këtë”, deklaroi ai duke thënë që rol luan edhe projekti.
“Kur na prezantojnë projektin, është një projekt shumë i madh. Unë mendoj se njerëzit nuk e kanë idenë se si po përmirësohet vendi dhe si po përmirësohet futbolli këtu. Si mund të jetë futbolli pas disa vitesh. Në një vit, ne e bëmë këtë në Ligën Pro të Arabisë Saudite. Besoj se edhe dy vite të tjera, tre vite të tjera, do të jetë një ligë fantastike”, deklaroi Neves.
Neves tashmë është lidhur me një rikthim në Angli, me pronësinë saudite në Newcastle, por ai i mohoi këto zëra. /Telegrafi/