Parashutistët e Brigadës 79 Tavriia të ushtrisë ukrainase, ka arritur të parandalojë një sulm rus me ndihmën e këmbësorisë në vijën e parë të frontit në Kurakhove të rajonit të Donetskut.
“Dronët kishin lokalizuar konvojin jo larg periferisë së qytetit. Rusët ishin të ‘mirëpritur’ nga artileria ukrainase si dhe operatorët e dronëve”, u tha në kumtesë nga kjo brigadë, transmeton Telegrafi.
Kur rusët e kuptuan se ishin shënjestër e forcave ajrore ukrainase, filluan t’i kthejnë pajisjet nga ishin nisur me gjasë që t’i shpëtojnë më të keqes.
“Edhe një herë, sulmuesit ndërmorën një veprim të gabuar – por ishin parashutistët tanë që i ndaluan”, u tha ndër tjera.
I tërë sulmi kulmoi me tërheqjen e rusëve, që bënin të pamundurën për t’i shpëtuar predhave të artilerisë ukrainase.
E ata ushtarë të Vladimir Putinit që refuzuan ta bëjnë një gjë të tillë, kanë përfunduar të vrarë. /Telegrafi/
