Kamerat e sigurisë të vendosura para një shtëpie në qytetin Tulkarm në Bregun Perëndimor, pretendohet se shfaqin sesi ushtarët izraelitë në një mjet motorik shtypin disa herë trupat e palestinezëve të vrarë gjatë një aksioni në atë rajon.
Izraeli nuk ka komentuar menjëherë mbi këto pretendime, pasi pamjet u publikuan kur policia kufitare izraelit të hënën njoftoi se komandot e saj kryen bastisje në Tulakarem për të arrestuar militantin e kërkuar dhe se kanë vrarë tre persona në këtë përleshje, transmeton Telegrafi.
Watch: Israeli forces run over one of the bodies of the three Palestinians they killed in Tulkarm last night before withdrawing from the area. pic.twitter.com/w9Yz77NQyS
— Wafa News Agency – English (@WAFANewsEnglish) January 9, 2024
Pamjet e të hënës tregojnë forcat e armatosura izraelite duke iu afruar një shtëpie gjatë natës, dhe shtien mbi një grup të rinjsh – ku të paktën njëri prej tyre ishte i armatosur.
Dy prej tyre u goditën në rrugë dhe mbetën të shtrirë, kurse pamjet nga këndi tjetër tregon se edhe i treti ishte qëlluar. Në video shihet se mjeti i ushtrisë izraelite kalon sipas njëri prej palestinezëve të vrarë.
Të pyetur për këtë ngjarje, zëdhënësi i policisë kufitare izraelite i ka këshilluar gazetarët e Reuters, që t’i drejtohen zëdhënësit të ushtrisë izraelite i cili nuk ka komentuar asgjë. /Telegrafi/
