Pamje të reja të sulmit të rusëve në një apartament në Dnipro, të paktën nëntë të lënduar

Një sulm me raketa ruse në një bllok apartamentesh në Dnipro ka lënduar të paktën nëntë persona, sipas Serhii Lysak, kreu i administratës ushtarake të rajonit.

Dy adoleshentë ishin në mesin e të plagosurve. Mjekët thonë se të lënduarit janë në “gjendje të mirë” dhe do të trajtohen në shtëpi.

Lexo po ashtu Zelensky viziton ushtrinë pranë Bakhmutit: Luftëtarët tanë po bëjnë luftë heroike

Presidenti ukrainas, Volodymyr Zelensky konfirmoi se ndërtesa tjetër e sulmuar ishte ajo e Shërbimit të Sigurisë, megjithëse ajo ishte bosh, raporton cnn.

“Dnipro të premten në mbrëmje. Një ndërtesë e lartë dhe ndërtesa e Shërbimit të Sigurimit të Ukrainës u goditën. Sërish terrori raketor rus”, shkroi në Telegram.

Ai më tutje deklaroi se ka biseduar me Shërbimin e Sigurisë së Ukrainës, Ministrinë e Punëve të Brendshme, Shërbimin Shtetëror të Emergjencave dhe kreun e administratës ushtarake dhe se “të gjitha shërbimet e nevojshme po kryhen rregullisht”.

Zelensky përfundoi duke premtuar se të gjithë përgjegjësitë do të sillen para organeve të drejtësisë. /Telegrafi/