Ukrainasit kanë kryer një prej sulmeve më të mëdha me dronë në territorin e Rusisë.
Sipas shtabit të përgjithshëm të ushtrisë ukrainase, ishin mbi 150 dronë që u nisën drejt territorit rus – më qëllim që të goditen objektiva të ndryshëm, transmeton Telegrafi.
Ata shënjestruan edhe rafineritë e naftës dhe rajone të ndryshme e në veçanti Moskën, që u godit me breshëri dronësh.
Videoja e publikuar më poshtë, shfaq momentin kur dronët kamikaz përplasen në objektivat e përcaktuar nga eprorët e lartëe ushtarakë ukrainas.
Në anën tjetër, betejat e ashpra në Kursk po vazhdojnë, ku ukrainasit pothuajse një muaj më parë filluan inkursionin – duke arritur të marrin nën kontroll qindra vendbanime. /Telegrafi/
