Aeroplanët e parë luftarakë perëndimorë thuhet se kanë fluturuar mbi qiejt e Ukrainës pas muajsh vonese që kanë penguar përpjekjet e Kievit për luftë dhe i kanë lënë qytetet e tij të rrezikuara breshërive të vazhdueshme ajrore nga sulmuesit rusë.
Sipas mediave të huaja, përcjell Telegrafi, një numër aeroplanësh F-16 të prodhuar nga SHBA-të të furnizuar nga Holanda besohet se kanë mbërritur në vend në fillim të kësaj jave.
Dhe disa imazhe të publikuara në rrjetet sociale pretendojnë se tregojnë një aeroplan që fluturon në qiell në fluturimin e parë.
🚨 First sighting of F-16 in Ukraine. Likely Odessa region. pic.twitter.com/5yj29SIyLR
— Igor Sushko (@igorsushko) July 31, 2024
Ukraina së shpejti do të marrë F-16 shtesë nga Danimarka, Belgjika dhe Norvegjia me shpresën se do të forcojnë mbrojtjen ajrore të varfëruar të Kievit dhe do të zvogëlojnë epërsinë ajrore të Rusisë.
Ushtrisë ukrainase i është dashur të mbështetet në një flotë relativisht të vogël aeroplanësh të epokës sovjetike, pasi ajo është përballur me vështirësi për të frenuar pushtimin në shkallë të plotë nga Rusia, që nga shkurti i 2022.
The cat is out of the bag and it seems that they wanted us to know.
F-16 over Lviv, Ukraine. pic.twitter.com/ps2srtaPxn
— (((Tendar))) (@Tendar) July 31, 2024
Perëndimi ka lëvizur me hezitim drejt ofrimit të aeroplanëve, pas shqetësimeve të mëparshme se armatosja e Ukrainës me armatim të avancuar do të përshkallëzonte më tej luftën me Rusinë.
F-16, të ndërtuar nga firma amerikane e hapësirës ajrore Lockheed Martin, kanë qenë në listën e dëshirave të Ukrainës për një kohë të gjatë për shkak të fuqisë së tyre shkatërruese. /Telegrafi/