Pamje nga vendi ku një veturë u përplas në eskortën e Volodymyr Zelenskyt

Presidenti ukrainas Volodymyr Zelensky, është përfshirë në një aksident trafiku, ku për fat të mirë ka shpëtuar pa as edhe lëndimin më të vogël.

Ishte Sergii Nykyforov nga zyra e presidentit ukrainas që njoftoi për këtë lajm, ku u tha se vetura e Zelensky u përplas me një mjet tjetër në afërsi të kryeqytetit ukrainas, transmeton Telegrafi.

Thuhet se vetura që shkaktoi aksidentin kishte goditur eskortën e Zelensky, ku si rezultat shoferi i këtij mjeti motorik pësoi lëndime dhe u dërgua me urgjencë në spital për trajtim.

Lexo po ashtu Presidenti Zelensky u përfshi në një aksident me makinë në Kiev

Në anën tjetër, organet e sigurisë kanë filluar hetimet për rrethanat e aksidentit që u shkaktua derisa Zelensky po kthehej nga qyteti Izyum, ku kishte shkuar pa paralajmërim për të vizituar ushtarët ukrainas.

Gjithashtu është bërë e ditur se Zelensky pas trajtimit mjekësor është liruar, dhe nga spitali ku ishte dërguar u bë e ditur se nuk ka pasuar lëndime.

Një video amatore e publikuar në internet, shfaq pamjet pas aksidentit dhe një numër të autoambulancave që kishin dalë në vendin e ngjarjes.