Maqedoni vazhdon të jetë vendi me pagat mesatare më të ulëta në Ballkanin Perëndimor, ndërsa Sllovenia në këtë aspekt është e para.
Sipas të dhënave të Anadolu Agency, të marra nga institucionet e statistikave të këtyre vendeve, që nga muaji mars paga mesatare në Kosovë është 360 euro, apo 4 për qind më e lartë se në periudhën e njëjtë të vitit të kaluar.
Ndërsa, në Serbi, pagat mesatare janë rritur me 49.73 euro, e Kroacia për këtë periudhë ka rritur pagën mesatare me 28.52 euro, Sllovenia me 5.25 euro dhe Bosnja e Hercegovina me 2.05 euro.
Në periudhën janar-mars në Malin e Zi dhe në Maqedoni është vërejtur një ulje në pagat mesatare: malazezët marrin pagë mesatare prej 4 euro më pak, ndërsa shtetasit e Maqedonisë për 6.83 euro e kanë më të ulët pagën mesatare.