William Saliba mund të jetë largimi i madh nga Arsenali gjatë afatit kalimtar veror.
Qendërmbrojtësi francez ka pasur një vit fantastik, por në fund të sezonit u lëndua dhe mungesa e tij u vërejt jashtëzakonisht shumë, ku Arsenali humbi titullin dhe u eliminua nga Liga e Evropës.
22-vjeçari ka kontratë me Arsenalin deri në verën e vitit 2024 dhe bisedimet për rinovim nuk janë duke shkuar siç është më së miri.
Aktualisht Saliba fiton një pagë prej 1,1 milionë euro në stinor dhe Arsenali i ka ofruar atij kushte të përmirësuara të pagës me katër milionë euro në sezon.
Por menaxherët e francezit e kanë refuzuar këtë ofertë pasi pretendojnë pagë prej rreth gjashtë milionë euro në sezon për qendërmbrojtësin.
Kësisoj bisedimet mes palëve kanë ngecur dhe Paris Saint Germain është futur në garë ku po tenton të përfitojë nga rasti për transferimin e talentit francez.
PSG është gati t’ia plotësojë të gjitha kërkesat lojtarit, derisa mund të ofroj deri në 45 milionë euro për transferimin e tij në Parc de Princes. /Telegrafi/