Deputetja e Lëvizjes Vetëvendosje, Fitore Pacolli ka hedhur akuza ndaj qeverive të kaluara për situatën e rëndë energjetike që ndodhet Kosova.
“20 vjet e kanë vjedh dhe e kanë mjelë këtë shtet e po lypin nga Qeveria Kurti për 9 muaj me e ngrit në këmbë”, ka shkruar Pacolli në Facebook.
“Për mos me ardh në këtë ditë është dasht me punu me mish e me shpirt për këtë vend e jo me e vjedh e milionat e tyre me i mbajt offshore”.
Deputetja e shumicës parlamentare thotë se shteti është dashur të ketë rezerva për të pasur situatë më të mirë energjetike.
“S’ka rrymë, sepse e kanë shit dhe e kanë vjedh. Po të kishim punuar mirë e mbarë për 20 vjet sot Kosova do të ishte në gjendje të furnizonte shtetet e rajonit me rrymë e jo të mbetej vet pa të”.
“S’ka rrymë, sepse ish pushtetarët dhe bashkëpunëtorët e tyre e kanë hangër deri në palcë këtë vend”, ka shkruar tutje Pacolli në Facebook.
Mirëpo deputetja ndryshe kishte deklaruar para një viti.
Ajo kishte kërkuar llogari për ndërprerjet e energjisë dhe ngrohjes në kohë të ftohtit./Telegrafi/