Osmani para mbledhjes së Këshillit të Sigurimit të OKB-së: Do të trajtoj zhvillimet e fundit në Kosovë pas aktit të agresionit të Serbisë

Presidentja e vendit, Vjosa Osmani do ta përfaqësojë sot Kosovën në mbledhjen e Këshillit të Sigurimit të Kombeve të Bashkuara.

Osmani përmes një postimi në platformën “X” shkruan se sot do të flasë për zhvillimet e fundit në Kosovës, pas sulmit terrorist të Serbisë ndaj vendit tonë, transmeton Telegrafi.

“Do të trajtoj zhvillimet e fundit në vendin tonë, pas aktit të agresionit të Serbisë dhe do të rikonfirmoj angazhimin tonë për paqen dhe stabilitetin”, ka deklaruar presidentja.

Lexo po ashtu Sulmi terrorist në veri dhe zhvillimet në Kosovë – Osmani flet nesër në Këshillin e Sigurimit të OKB-së

Ndryshe, presidenca ka njoftuar se para takimit të Këshillit të Sigurimit, Osmani pritet të takohet e koordinohet me disa nga përfaqësuesit e shteteve aleate.

Takimi i KS të OKB-së për Kosovën do të mbahet të hënën në ora 21:00 me kohë të Kosovës ndërkaq në orën 15:00 me kohë të New York-ut, njofton Presidenca. /Telegrafi/