Duket se të gjitha janë gati për një nga ngjarjet më të mëdha në Hollywood, edicionin e 95-të të çmimeve “Oscars”, që do të transmetohet këtë të diel, më 12 mars.
“Oscars” e këtij viti do të bashkojë yjet më të shquar në industrinë e argëtimit në Teatrin Dolby, i cili ka qenë vendi i ceremonisë që nga 2002.
Megjithatë, marrja e një ftese për këtë ngjarje nuk është një garanci për çdo personazh të famshëm të Hollywoodit.
Will Smith is breaking an #Oscars tradition after being banned from attending the ceremony https://t.co/ELgJNcRSkZ
— UPROXX (@UPROXX) March 10, 2023
Në të kaluarën, disa emra të mëdhenj u ndaluan të marrin pjesë në “Oscars”. Will Smith është më i fundit.
Aktori i “Men in Black” goditi me shuplakë komedianin Chris Rock drejtpërdrejt në transmetim gjatë “Oscars 2022”, pasi bëri shaka për gruan e Will, Jada Pinkett Smith.
Çmimet “Oscar” njoftuan menjëherë se Will nuk u lejua të marrë pjesë në asnjë ngjarje të organizuar nga Akademia e Arteve dhe Shkencave të Filmit për dhjetë vitet e ardhshme.
Kush tjetër është ndaluar të marrë pjesë në “Oscars” dhe pse?
Richard Gere, i cili luajti në disa nga filmat më të dashur të të gjitha kohërave, si “Pretty Woman” dhe “An Officer and a Gentleman”, u ndalua për 20 vjet.
Në vitin 1993, Richard denoncoi qeverinë kineze gjatë paraqitjes së tij në skenë në “Oscars”, ku ai duhej të prezantonte vetëm një çmim për ‘Regji’.
Aktori shprehu zhgënjimin e tij për konfliktin e vazhdueshëm të Kinës me Tibetin dhe sugjeroi që Kina të tërheqë trupat e saj dhe të lejojë Tibetin të jetë i pavarur.
Për këtë, Akademia e ndaloi aktorin të mos merrte pjesë në “Oscar” për dy dekada.
Aktori tashmë i ndjerë, Carmine Caridi, ylli i “The Godfather”, u bë personi i parë që u përjashtua nga Akademia.
Në vitin 2004, ai u kap duke prodhuar disa kopje të filmave të nominuar, gjë që ishte një shkelje e rregullave në këtë event madhështor.
Akademia gjithashtu ndaloi disa të famshëm të tjerë për arsye më serioze: Bill Cosby u ndalua pas akuzave për sulm seksual, ndërsa regjisori Roman Polanski u përjashtua nga Akademia në vitin 2018, më shumë se 40 vjet pasi ai u akuzua për përdhunimin e një vajze 13-vjeçare.
Harvey Weinstein u ndalua gjithashtu në 2017 pasi u akuzua për raste të panumërta të sulmeve seksuale. /Telegrafi/
