Pavarësisht vendimeve të Qeverisë për mos grumbullim të personave dhe ndalesës së organizimit të ahengjeve familjare, qytetarët nuk janë duke i përfillur këto vendime.
Në Gjakovë e Suharekë gjatë ditës së djeshme janë organizuar ahengje të tilla ku ka pasur të pranishëm mbi 50 persona.
Lidhur me këto raste policia ka arrestuar të organizatorët e këtyre ahengjeve, dhe të njëjtit janë liruar pastaj në procedurë të rregullt.
Rastet sipas policisë:
Fsh. Rogovë, Gjakovë 11.08.2020-22:20. Është arrestuar i dyshuari mashkull kosovar pasi që i njëjti duke mos respektuar vendimin e lëshuar nga Qeveria, gjatë një ahengu familjar ka ftuar tubuar rreth 70 persona të cilët ishin të pranishëm. Të njëjtit janë shpërndarë ndërsa i dyshuari pas intervistimit është liruar në procedurë të rregullte.
Fsh. Samadraxhë, Suharekë 12.08.2020-01:25. Është raportuar se pas një informate të pranuar në shtëpinë e të dyshuarit mashkull kosovar gjatë një ahengu familjar janë takuar 50-60 të pranishëm të cilët janë shpërndarë. Në konsultim me prokurorin rasti vazhdon në procedurë të rregullt. /Telegrafi/