Reperi i njohur Gold AG së shpejti do të sjellë në treg, projektin e tij më të ri muzikor, këngën me titull “Omëlsina”.
Në një prononcim për Telegrafin, ai ka shpalosur ekskluzivisht detajet e këngës së tij më të re, e cila do ta rikthejë në stilin e tij të vjetër në të kënduar.
“Kam përfunduar punën për këngën dhe klipin tim më të ri “Omelsina”. Tekstin e ka shkruar vet, muzikën dhe orkestrimin i kam bërë tek Gramoz Kozeli dhe DeVox në Shqipëri, ndërsa xhirimet e klipit po i kryej në Kosovë”, tha Gold AG për Telegrafin.
Në vazhdimin e bisedës, Gold AG tregoi edhe për tematikën e këngës, duke treguar se kësaj radhe vjen me një stil “real gangsta”.
“Kënga nuk është komerciale. Është në stilin hip-hop, mund të them se kësaj radhe rikthehem në stilin tim të vjetër, pasi tematika e saj është pak a shumë diçka ‘real gangsta’”, tregoi më tej reperi.
“Omëlsina” do të publikohet në YouTube edhe me klip, xhirimet e të cilit kanë përfunduar këto ditë.
“Për klipin kujdesen produksioni Imagine Films. Xhirimet i kemi kryer fillimisht në Fushë Kosovë, ndërsa do vazhdojmë edhe me xhirime tjera. Besoj do jetë një klip i bukur, që do i përshtate këngës”, përfundoi Gold AG për Telegrafin.
Ekipi i Telegrafit ka përcjell nga afër xhirimet e klipit “Omëlsina” të kryera gjatë ditës së sotme.
Në vazhdim ju sjellim disa imazhe ekskluzive nga prapaskenat, ku edhe këtë herë si në çdo paraqitje të tij, Gold AG nuk do të zhgënjejë me stilin dhe performancën. /Telegrafi/
