Olta Gixhari është larguar nga Big Brother VIP Albania.
Aktorja e njohur lajmin e ka bërë të ditur në spektakël duke qenë se gjatë javës ka qenë në një gjendje të rënduar emocionale.
Ajo ka bërë një komunikim me Arbana Osmanin në ‘dhomën e rrëfimit’, teksa tha se kishte mall të madh për djalin e saj, Amarin.
Bukuroshja e theksoi disa herë se nuk e ka përmendur shpesh brenda shtëpisë, por që kishte mendjen vazhdimisht aty.
Artistja tutje tha se ka bërë plot 100 ditë brenda dhe se ka fituar Big Brotherin e saj.
“Kam bërë 100 ditë. E kam fituar Big Brotherin tim. Hyra këtu brenda që të krijoj historinë time, kujtimet më të bukura të jetës time dhe ia dola”, u shpreh Gixhari.
Largimi i Oltës ka përlotur edhe banorët e tjerë që assesi nuk e pranonin largimin e saj.
E njëjta ka krijuar situata të shumta në shtëpi dhe mes tjerash ka qenë një rivale e madhe e Luizit. /Telegrafi/
