“Nuk është e sigurt që termocentrali bërthamor në Zaporizhzhia të rifillojë punën për sa kohë që lufta rreth tij të jetë e ndezur”, tha shefi i mbikëqyrësit bërthamor të OKB-së, Rafael Grossi.
Bëhet e ditur se Grossi ka mbajtur një takim me Rusinë në lidhje me këtë çështje, përfshirë edhe presidentin rus, Vladimir Putin.
Kjo pasi gjashtë reaktorët e termocentralit janë mbyllur për arsye sigurie me rekomandimin e Agjencisë Ndërkombëtare të Energjisë Atomike (IAEA), shkruan skynews, përcjell Telegrafi.
“Ata nuk po planifikojnë të çaktizivojnë këtë termocentral bërthamor. Pra, kjo është ajo që po nxit nevojën për të diskutuar”, tha Grossi.
Sipas Rafael Grossit, duhet të ndërmerren hapa të rëndësishëm përpara se termocentrali të rifillojë punën.
“Për sa i përket asaj që mund të ndodhë, nuk duhet të ketë asnjë bombardim apo aktivitet të atij lloji”, tha shefi i mbikëqyrësit bërthamor të OKB-së.
“Atëherë duhet të ketë një siguri më të qëndrueshme të furnizimit me energji”, shtoi ai.
“Kjo kërkon riparime, riparime të rëndësishme të linjave ekzistuese, të cilat për momentin dhe për shkak të aktivitetit ushtarak janë shumë të vështira për t’u parashikuar”. /Telegrafi/