Në tregun e brendshëm të Kosovës ka laramani çmimesh të produkteve. Megjithatë, krahasuar me të ardhurat dhe pensionet e qytetarëve, ato llogariten të jenë të larta.
Qytetarët thonë se lëre që këto çmime janë të shtrenjta gjatë tërë vitit, por ato ngritën edhe më në prag të festave. Ky realitet nuk është vetëm në prag të Vitit të Ri, sepse kjo ndodh në prag të çdo feste, thonë blerësit.
Me gjithë ofertat për zbritje në treg, ato janë kamufluese, thotë Selatin Kaçaniku, nga Shoqata për Mbrojtjen e Konsumatorit.
Kaçaniku pohon se luhatja e çmimeve bëhet për shkak se mungon një mekanizëm që e rregullon tregun e çmimeve. Dhe kjo, sipas tij, u krijon tregtarëve mundësi dhe hapësira që të bëjnë ngritje të çmimeve, pa u penguar nga askush.
Në fillim të kësaj jave, kur prezantoi projektbuxhetin për vitin 2015, edhe ministri i Financave, Avdullah Hoti, tha se do të ketë rritje çmimesh edhe në vitin 2015. /KTV/
JETONI QMIMET 2712 from Krenar Thaçi on Vimeo.