Reagon partia opozitare maqedonase ndaj deklarimeve të Ministrit të Financave Dragan Tevdovski duke thënë se “Qytetarët nga Tevdovski presin përgjigje se ku shkuan miliona euro për të cilën e futi në borxh Republikën e Maqedonisë vitin e kaluar. Tevdovski dhe Zaevi nuk mund të fshihet pas njoftimi të transparencës”.
“Borxhi publik për herë të parë në Maqedoni është 5 miliardë dollarë, ndërsa borxhi shtetëror 4 miliardë euro. Ku dhe në çka janë harxhuar ato para, kur e dimë se realizimi i investimeve kapitale për gjysmë viti janë 16^”, thotë OBRM-PDUKM-ja.
Ata thonë se LSDM-ja gur mbi gur nuk kanë vendosur. Ndërsa qytetarët, sipas tyre, këtë Qeveri e shohin se si e shrytëzon përmes tenderëve të dyshimta që t’i mbushin xhepat e e funksionarëve të Qeverisë, përcjell Telegrafi Maqedoni.
“Nuk ekziston shtet tjetër në botën demokratike, ku një njeri me video dhe audio është dokumentuar se si kërkon 200.000 euro lirohet nga akuzat, vetëm nga fakti se është Kryeministër. Askund në botë në shtet demokratik tenderët nuk i ndajnë funksionarët shtetëror. LSDM-ja e shndërroi shtetin vend të krimit dhe korrupsionit dhe këtë nuk mund ta ndryshojë asnjë mjet i transparencës”, kumtojnë nga OBRM-PDUKM.
Ata thonë se buxheti nuk është mjeti për pasurimin e funksionarëve të LSDM-së dhe se për të gjitha keqpërdorimet e LSDM-së do të kërkohet përgjegjësi sipas ligjit./Telegrafi/