Zinedine Zidane thuhet se është afër marrjes së drejtimit të Paris Saint-Germain nga Mauricio Pochettino dhe emërimi i tij mund të tundojë mesfushorin Paul Pogba për një lëvizje në kryeqytetin francez.
29-vjeçari francez po largohet nga Manchester United si lojtar i lirë këtë muaj dhe ai ka qenë në bisedime me Bianconerët për një rikthim të bujshëm prej javësh.
Një marrëveshje dukej e sigurt dhe Zonja e Vjetër ka qenë e sigurt për një kohë, por gjërat papritmas kanë marrë një kthesë.
Sipas mediumit RMC Sport, Zidane mund të bëhet së shpejti trajneri i ri i PSG-së, me negociatat mes dy palëve që po shkojnë pozitivisht.
Situata ka zgjuar interesimin e Pogbas, i cili nuk ka luajtur asnjëherë profesionalisht në kampionatin francez, Ligue 1.
? Selon les informations de RMC Sport, Paul Pogba attend l’officialisation de l’arrivée de Zidane au PSG pour entamer des discussions avec le club parisien. Libre depuis son départ de Man United, le champion du monde français est également cité du côté de la Juventus.
— RMC Sport (@RMCsport) June 10, 2022
Mesfushori francez është i interesuar në perspektivën e punës nën drejtimin e Zidanes në Paris dhe kështu ai po merr kohën e tij për të parë se çfarë do të ndodhë përpara se të angazhohet për të ardhmen e tij.
Juventusi tani është i mbërthyer në gatishmëri, duke mbajtur një sy në kryeqytetin francez. /Telegrafi/