Ish-presidenti amerikan, Barack Obama, ka vendosur ta befasojë gruan e tij, Michelle, duke u paraqitur papritmas në njërin prej promocioneve të librit të saj të ri.
Gjatë fundjavës, ish-kreu i Shtëpisë së Bardhë është shfaqur me një buqetë me lule në dorë.
“Kjo është sikur Jay Z kur del në mes të koncertit të Beyonce”, ka thënë Obama duke shtuar se dashuria e tyre asocon në këngën “Crazy in Love”.
Barack Obama surprised Michelle Obama with flowers during her book tour, and the crowd lost its mind with delight pic.twitter.com/ehfNpfWzsl
— NowThis (@nowthisnews) November 18, 2018
“Është e njëjta gjë. Kjo është vetëm një shtesë që do ta zbukurojë promocionin”, ka shtuar 57-vjeçari.
Kur drejtuesja e programit, Valerie Jarrett, e ka pyetur si e ka njohur Michellen, Obama ka thënë se fillimisht i kishte rënë në sy se sa është e gjatë dhe çfarë këmbësh të gjata i ka.
“Më la mbresa. E dini kur e takoni dikë dhe thjesht e kuptoni?”, ka theksuar ish-presidenti amerikan.
Barack Obama still out here stealing hearts, surprises Michelle Obama with flowers at her book tour show pic.twitter.com/GutNTjAYW4
— Mohamed Salih (@MohamedMOSalih) November 18, 2018
Në biografinë e saj, ish-Zonja e Parë ka treguar se ajo dhe bashkëshorti i saj në të kaluarën e kanë vizituar një këshilltar martesash për shkak të problemeve në lidhje.
Në komentin e tij për librin e Michelle, Barack ka thënë se gruaja e tij është brilante, e mençur dhe modeste. /Telegrafi/