Numri i tij është 7, Richarlison zgjodhi një mënyrë të veçantë për ta ngacmuar Liverpoolin pas humbjes turpëruese nga Aston Villa

Ylli i Evertonit, Richarlison, zgjodhi një mënyrë të veçantë për ta ngacmuar Liverpoolin pas humbjes turpëruese nga Aston Villa.

Redsat hynë në histori duke u bërë kampioni që pëson shtatë gola për herë të parë që nga viti 1953 në humbjen prej 7-2 në Villa Park.

Natyrisht që diçka e tillë nuk është lëshuar aq lehtë nga rivalët më të mëdhenj të Liverpoolit, e në veçanti nga rivali lokal, Everton.

Njëri prej futbollistëve të liderit aktual të kampionatit, Richarlison, ka zgjedhur një mënyrë të veçantë për t’i ngacmuar ‘Të Kuqtë’.

Lexo po ashtu Turpërohet Liverpooli - Aston Villa ia shënoi plotë shtatë gola kampionit të Ligës Premier

Braziliani bart numrin 7, ashtu që në fund të ndeshjes ndërmjet Aston Villas dhe Liverpoolit, e ka publikuar një fotografi të tij me fokus te fanella që përkonte me numrin e golave që i pranoi skuadra e Jurgen Klopp.

Ndërsa përdoruesit e rrjeteve sociale kanë vazhduar me shaka të tjera përmes fotomontazheve të ndryshme. /Telegrafi/