E plotësuar: Deri në orën 07:00 të mëngjesit të së martës janë numëruar 89% e kutive të votimit në Shqipëri.
Sipas të dhënave të KQZ-së, janë numëruar 4619 kuti nga 5199 në total ose thuajse 89% e votave.
Nga numërimi i tyre, Partia Socialiste është duke prirë e para, e cila deri më tash ka marrë 48.66%, me 72 mandate.
PD-AN ka 39.37%, me 59 mandate në gjithë vendin. Nga ana tjetër, LSI ka marrë 6.90%, me 5 mandate.
Ndërkohë, PSD e Tom Doshit ka arritur që të marrë vetëm 2.22%, apo 3 mandate deputetësh deri më tani.
Të gjitha partitë e tjera nuk kanë arritur që ta kalojnë as shifrën 1%, duke mos siguruar një mandat deputeti. /Telegrafi/
——-
Numërohen mbi 83% e votave, Rama drejt mandatit të tretë qeverisës
Deri në orën 2:40 të mëngjesit të së martës janë numëruar mbi 83% e kutive të votimit, nga të cilat kryeson Partia Socialiste, e cila sipas projeksionit aktual merr 73 mandate, PD 59, LSI 5 dhe Partia Socialdemokrate 3 mandate.
Sipas Komisionit Qendror të Zgjedhjeve, përcjell Telegrafi, deri rret orës 3 janë numëruar 4,327 qendra votimi (83%) nga 5,199 sa janë gjithsej në Shqipëri.
Procesi i numërimit të votave ka përfunduar në Qarkun e Kukësit dhe të Dibrës ndërsa vijon numërimi në 10 qarqet tjera.
Numërimi i votave deri në ora 2:40:
Partia Socialiste 622 265 vota – 48,69%
Partia Demokratike 50 2371vota – 39,31%
Lëvizja Socialiste për Integrim 87 905 vota – 6,88%
Partia Socialdemokrate 28 757 vota – 2,25%
Partitë tjera rreth 3%
Sipas të dhënave të KQZ, PS kryeson në 8 qarqe, ndërsa PD në 4 qarqe./Telegrafi/