‘Zënkat’ mes reperit nga Tetova, S4MM dhe Rina Balajt duket se po vazhdojnë akoma.
Reperja e “On Records” muaj më parë bëri bujë në media teksa në një nga intervistat e saj ka thënë se nuk do bashkëpunonte kurrë me reperin nga Tetova, për shkak se nuk ia kuptonte asnjë fjalë.
Kështu reperi së fundmi ka bërë një video në llogarinë e tij, InstaStory, gjersa iu kundërpërgjigjet Rinës.
Në momentin që është duke kënduar, S4MM në vargjet e tij përmend Rinën, madje në sfond edhe fjalët e saj gjatë intervistës në “NIN”, siç mund ta dëgjoni përmes videos që ua sjellim më poshtë.
Ndër tjerash, reperi përdorë edhe gjuhë banale kundrejt këngëtares shqiptare.
Ky i fundit i ka bërë ‘diss’ edhe shumë artistëve të tjerë, përfshirë edhe Feron, i cili poashtu është në label të njëjtë me Rinën.
S4MM po vazhdon të jetë aktiv në projekte dhe mbrëmje të ndryshme muzikore. Ai është duke punuar edhe në albumin e ri që pritet të publikojë së shpejti.
“Mamacita”, titullohet kënga e re e reperit e lansuar para një jave dhe në YouTube numëron mbi dy milionë klikime. /Telegrafi/
