Mesfushori i Arsenalit, Lucas Torreira këmbëngul se nuk ka folur me AC Milanin.
Uruguaiani, i cili aktualisht është me kombëtaren në Copa America, është lidhur me një kthim në Serie A pasi ka pranuar se po has në vështirësi me përshtatjen në Angli.
Megjithatë, 23-vjeçari ka hedhur poshtë këto shkrime të mediave britanike se ishte kontaktuar nga gjiganti italian.
“Askush nga Milani nuk më ka kontakt mua, sot jam lojtar i Ligës Premier dhe jam i lumtur që jam pjesë e Arsenalit”, tha ai.
“Përshtatja po më kushton, nuk është e lehtë, por aktualisht jam duke menduar vetëm për ekipin. Jam i lumtur që jam pjesë e Arsenalit”, ka pohuar mesfushori.
Ndryshe, Torrerira kaloi në skuadrën londineze të Gunners nga ekipi italian i Sampdorias gjatë vitit të kaluar dhe deri më tani ka pasur 34 paraqitje dhe ka shënuar dy gola në të gjitha garat. /Telegrafi/