Nuk e ka bërë asnjë lojtar: Messi shënon në gjashtë finale të Kupës së Mbretit

Barcelona dështoi ta fitonte Kupën e Mbretit, pasi në finale u mposht nga Valencia me rezultat 2-1.

Skuadra katalunase kishte një paraqitje tejet të dobët në pjesën e parë, duke pësuar dy gola brenda 10 minutash.

Pjesa e dytë filloi më mirë për ta, pasi Lionel Messi arriti të ngushtonte epërsinë, por përkundër rasteve të shumta, nuk arritën t’i barazonin shifrat.

Ylli argjentinas shënoi golin e 50-të në këtë sezon, por që ka vendosur edhe një rekord të madh, i cili vështirë se mund të thyhet nga ndonjë lojtar.

Pesëherë fituesi i Topit të Artë ka arritur të shënojë në gjashtë finale, gjë që askush nuk ka arritur ta bëjë më parë.

Lexo po ashtu Valencia fiton Kupën e Mbretit, mposht Barcelonën në finale

Messi ka arritur të shënojë në vitin 2009, 2012, 2015, 2017, 2018 dhe 2019, duke vënë emrin e tij në këtë rekord të rëndësishëm. /Telegrafi/