Dua Lipa solli të dashurin e saj të ri, Callum Turner, në festën e organizuar pas Grammy Awards 2024.
Këngëtarja, 28 vjeçe, dhe aktori, 33 vjeçar, u drejtuan për në Chateau Marmont në Los Angeles dorë për dore pas ceremonisë.
Dyshja së fundmi bënë publike romancën dhe ndërsa Dua kaloi e vetme në tapetin e kuq më herët gjatë natës, Callum ishte aty për ta mbështetur më pas.
Pas festës, artistja e famshme dukej mahnitëse me fustan të zi me prerje të guximshme anash.
Ndërkohë, Callum dukej atraktiv po ashtu me një kostum të errët dhe këmishë të bardhë teksa po shkonte drejt vendit të ngjarjes me të dashurën e tij mahnitëse në krah.
Lajmi për romancën e tyre shpërtheu kur të dy u panë në një festë në Beverly Hills për shfaqjen e tij “Masters of the Air”.
Në pamjet e siguruara nga TMZ, ylli i popit kërcen ngadalë me Callum në mbrëmjen e mbushur me yje.
Romanca e fundit e Duas vjen pas ndarjes së saj nga i dashuri francez, Romain Gavras. /Telegrafi/
