Media të shumta në Itali dhe Francë shkruajnë se OGC Nice kishte rënë dakord për një marrëveshje prej 36 milionë euro plus bonuse me West Ham United, por mbrojtësi Jean-Clair Todibo dëshiron vetëm Juventusin dhe bisedimet më në fund kanë filluar mes klubeve.
Në fillim të kësaj jave u konfirmua se Nice kishte pranuar ofertë nga West Ham për ta nënshkruar me lojtarin në vlerë prej 36 milionë euro plus bonuset.
Footmercato shkruan se pavarësisht se i është bërë presion lojtarit që të përpunojë për kushtet personale me klubin anglez, Todibo po qëndron i palëkundur dhe refuzon të marrë në konsideratë kalimin në Ligën Premier.
Ai do kalimin vetëm te Juventusi, me Footmercato dhe Sportitalia që raportojnë se bardhezinjtë më në fund kanë filluar negociatat zyrtare me Nice.
Oferta në tavolinë pritet të jetë pak më e vogël se ajo e anglezëve, si në financa ashtu edhe në formë, duke dashur ta marrin lojtarin në huazim me detyrim blerje në fund të sezonit për 35 milionë euro.
24-vjeçari ka kontratë me Nice deri në qershor 2027 dhe u ble nga Barcelona për 8.5 milionë euro në 2021.
Qendërmbrojtësi ka edhe dy paraqitje për Francën. /Telegrafi/